Hernaniren inguruko ezagutza erakusteko, lehiaketa berriro

Laugarren urtez antolatu du Ezagutu Hernani lehiaketa, Hernani Errotzenek, herriaren historia gizarteratu eta herriko ondarea ezagutuz «gure al­txo­rrak hurbiltzeko» asmoz. Gaur bertan hasiko da lehiaketa, eta abenduaren 14ra arte izango da aukera, parte hartzeko.
Hiru galdera planteatu diz­­kiete herritarrei, eta erantzun beharko dituzte, albiste honen az­piko txartela beteta; gero, txar­tela moztu, eta utzi, jarri di­tuzten lau ku­txetako ba­­te­an: Rioja tabernan, Urbie­ta Ko­pi­aken, Biterin, edo Kronikan.
Hauek dira galderak, eta bakoitzerako eman dituzten hiru erantzun posibleak:
1-Non dago Mulisko gainako aztarnategi megalitikoa?  a) Santa Barbarako harrobi gainean; b) Onddi mendiaren atzean; c) Oriamendi atzeko Munto baserrian.
2-Zergatik du Portalondo izena, Andre Kale 46ko etxeak? a) Erdi Aroko harresiaren ate edo sarrera bat ondoan zuelako; b) Portal horretan ondo egoten zelako; c) Familiaren izena da.
3-Nor zen Juan de Urbieta? a) Astigarragako markesen seme bat; b) Espainiaren zerbitzuan Frantziako erregea harrapatu zuena; c) Medi­kun­tzan aritutako zientzialari hernaniarra.
Hiruak asmatzen dituztenen artean, sariak zozketatu­ko dituzte, eta Hernanin San­to To­mas eguna ospatzen den egunean, jaso ahal izango dira.