Denboraldiko partidu politenetako bat jokatuko du gaur Hernanik: Ordiziaren kontrako derbia. Altamiran jokatuko dute, eguerdiko 12:00etan hasita, aurtengo aurrenekoa.
Landaretik urruti ere, Ordiziari ezustekoak emandakoak dira trikoloreak, eta beste sorpresa bat bilatuko dute gaurkoan, Hernaniko zaleen babesa ere ez baitute faltako, ordiziarren zelaian ere.
Ohorezko Mailako 10garren jardunaldia izango da, eta sendo aritu dira goierritarrak orain arte: bost partidu irabazi eta bat berdinduta, seigarren postuan daude sailkapenean. Hernaniarrek ere maila polita erakutsi dute partidu askotan, baina azkeneko biak galduta, hamargarren postura erori dira. Berriro martxa ona hartzeko, zer hobea, Ordiziari derbia irabaztea baino?