Emakumea Pelotari txapelketan murgilduta daude emakume pelotariak, eta gaur Hernanin jokatuko dituzte finalerdiak, kiroldegiko frontoian. Arratsaldeko 17:00etan hasita izango da hori.
Hiru partidu
Finalerdietako hiru partidurekin gozatu ahal izango da bertan, tartean, Eider Otaegi eta Aranburu hernaniarrek, Lopez eta Herreroren kontra jokatuko dutenarekin.
Beste biak izango dira: Mateos eta Agirre, Ontsalo eta Albenizen kontra; eta Maiza eta Maider Mendizabal, Garmendia eta Erasunen kontra.
Irazustabarrena eta Arrillaga, finalean
Finalean dira, ordea, Amaia Irazustabarrena eta M. Miriam Arrillaga , ligaxkan aurrenekoak geratu ondoren. Abenduaren 15ean jokatuko dute finala, Tolosan. Orain arte, 2005. urtean Emakumea Pelotari txapelketa sortu zenetik, urtero izan da hernaniarren bat finalean. Aurten ere, hala izango da.