Goizuetako aurreneko kultur agendari segika, asteburu girotua izan zuten herritarrek. Ostiralean euskal kantekin gozatu ederra hartu zuten Irati, Ane eta Jose Leon oiartzuarrei esker. Hurrengo egunerako beroketa izan zen hori, orduan izan baitzen Feri Egun haundia. Postuak jarri zituzten, goizean; eta ondoren, giza proba burutu zuten Goizuetako herritarrek osatutako talde mistoak eta Astigarragako Emarri emakumezkoen taldeak, herritarrak izan ziren garaile.