Hilaren 22an izan zen Santa Zezilia eguna, musikariena; orduan ospatzerik ez, eta gaur egingo dute egun hura gogoratzeko kontzertua Kantuz abesbatzako kideek. Haiekin batera izango dira Astigarragako Aiztondo abesbatzakoak ere. San Joan Bataiatzailea parrokian abestuko dute, iluntzeko 20:00etan hasita.
Kontzertu bera eskainiko dute bihar, Astigarragan, bi abesbatzek. Andra Mari parrokian izango da, arratsaldeko 19:30etan hasita.
Akordeoi entzunaldia, lehenago
Ez da, ordea, musika-emanaldi bakarra izango. Horren aurretik, arratsaldeko 17:30etan hasita, akordeoi entzunaldia eskainiko baitute Hernani Musika Eskola Publikoko ikasleek.