Mende laurdena, indarrez betea

Mende laurdena ondo ospatu behar, eta egun osoko festa egin zuen Dobera Euskara Elkar­teak, aurreko larunbatean, bere 25garren urteurrena ospa­­tze­ko. Eta zitara hutsik egin gabe, fes­ta horretan izan ziren elkar­tea­ren sortzailee­tako batzuk, eta urte guzti haue­tan bidelagun izan ditu­en herritarrak.

Aurrena, jolasak, marraz­ki tailerra eta aurpegiak mar­go­tze­ko txokoa izan zituzten go­za­garri gaztetxoenek. Eta ondo­ren, sortzaileetako sei omendu zituzten: Iñaki Marko, Amaia Miner, Eulali Aranburu, Jokin Na­zabal, Juan Mari Jalon eta Luzi Kasko igo ziren taula gai­nera, lore-sorta eta esker ona jasotzera. Her­na­niko Bertso Es­­ko­lako kideek, ber­tsoak eskaini zizkieten; eta Ttarlako dantzariek, aurres­kua. Koro Etxeberria kultura zine­go­tziak, berriz, oroigarria eman zion Doberari, Udalaren esku­tik eta herritar guztien ize­ne­an. Eta bu­katzeko, kantu-bazkari eder baten bueltan borobildu zuten festa, Xalaparta elkartean.

Doberak eskerrak eman nahi izan dizkie, Ttarlako dan­tza­riei, Bertso Eskolako kideei, Xala­par­tari, eta egun berezia ospatzera gerturatu ziren guztiei.