Latxe aldizkariaren ale berri bat, laugarrena, kaleratu du Urumeako Kronikak, dagoeneko. Aldizkariaren harpideek ohiko tokietan jasoko dute, eta gainerakoek, hainbat puntutan erosi ahal izango dute, 2 euroan: Kronikaren bulegoan bertan, Akarregiko eta Lizeagako Dorronsoro okindegietan, Antziola okindegian, eta Ikusi-Makusi dendan.
Ale berrian, Arimen Gaueko ohiturak berreskuratuko dituzte Burruntzik eta bere lagunek, zozoari lagundu eta Aranoko hilerrian dagoen hagina salbatzeko. Sustoak eman bai, baina jaso ere egingo dituzte...
Beraien abentura guztiak jarraitu nahi dituenak, aukera dauka harpide egiteko; urtean 24 euro dira: Kronikaren bulegoan, 943 33 08 99 telefonoan, edo latxe@kronika.eus.