Arkume dastatzea, larunbatean

Beterri-Bu­run­­tzako Udalek, Beterri Km 0 proiektuaren barruan larun­batean, Astigarragako Barandiaran plazan, 12:00etatik 14:00etara, arku­me erretzea an­­to­latu du­te. Ga­raiko produk­tua da ar­ku­­mea eta Beterri Km 0-ren jar­du­naren filoso­fi­aren ba­rruan kokatzen da; ber­tako produk­tua eta garai­koa susta­tzea.

Astigarragan egingo dena eskualdean egiten den lehe­nengo ekitaldia da, baina urteko sasoi desberdinetan bes­te herrietan ere egingo dira an­tzekoak sasoiko produk­tuekin.  

Herriko saltokietan txartelak
Bertako bi ekoizleen arku­meak izango dira; Adarraz­pi­koa eta Ramon Muger­tzarena. Pintxoak dastatzeko aukera ere egongo da eta horretarako txartelak lortu beharko dira herriko  Ezpela, Coviran,  Ogi Berria, Uriña, Artoaene, Alizia frutategia, Ibai­lur, Bukoi taberna, Kupela bezalako ko­mer­tzioetan erosketaren tru­ke, bihar­tik aurrera. Egu­nean ber­tan, larunbatean, esku­ratzeko aukera ere ba­da­go.

Pasa den maiatzean jarri zuten martxan Km 0 proiek­tua, nekazal ekoizpena kon­tsu­­mitzaileen esku jartzeko helburuarekin. Horretarako, janari denda, jantoki publiko zein taberna eta jatetxeetan bertako produktua saltzea erraz­ten da. Leku hauek, Be­terri Km 0 zigiluarekin bereizi eta identifikatuko dira, kon­tsumitzaileak bertako produk­tua modu erraz batean esku­ratu dezan.

Aurkezpenean izan ziren, besteak beste, Andoni Egia, Km 0ko sus­tatzailea, Ibailur jate­txeko Lur eta Uriña ha­rategiko Bor­ja, Urkiri Sala­berria zine­go­tzia, Jaione Irazu enplegu tekni­karia eta  Izas­kun Txin­txurreta, ingu­rumen tekni­karia. Denek azpima­rratu zu­ten bertako­tasunaren ga­rran­­tzia, osasu­na identi­ta­tea­ren ikuspuntutik.