‘Exitº’ film labur sorta, Inmigrazineko laugarrena

Pelikula berezia jarriko dute gaur, arratsaldeko 19:00etan hasita, Biterin: Exitº. Inmi­gra­zi­neko laugarren saioa izango da, eta 15 laburrez osatutako sorta ja­rriko dute, baina ikus­leek au­keratuko dute nola ga­ra­tuko den pelikula: 15 labur horiekin, ibilbide ezberdinak izango dira aukeran, eta ber­ta­ratutakoek hautatzen dutena­ren arabera, bide batetik edo bes­tetik jarrai­tuko du istorioak. Sarrera doakoa izango da.

Protagonisten galderei, ikusleek erantzuna
Izan ere, pelikulako prota­go­nistak, Otik, egoera batzuetan gal­derak planteatzen zaiz­kio­nean, ikus­leari galdetuko dio zer egin. Beraiek emango diote eran­tzu­na, eta aukeratuko dute non­dik jarraituko duen fil­mak, eta nola bukatuko den. Zortzi ibilbide ezberdin daude guzti­ra... Horietako zein jarraituko ote dute gaur Biterin?
Oti da protagonista guztie­tan, baina emakume ezberdin bat izango da, aukeratutako ibilbidearen ara­bera.

2012ko filma da Exitº, Adrián Sil­vestrek eta Beatriz Santia­gok zuzendutakoa. Bertan era­kutsi nahi dute, erabaki ba­koi­tzak dauzkala bere ondo­rio­ak, baina ezin dugula jakin zein izango diren, har­tzen ditugun arte. Eta kasu ho­netan, ema­ku­me migra­tzai­leek hartu behar dituzten era­bakietan murgil­tzen dituzte ikusleak, etorkizun hobe baten bila.