Urtarrila bukatu arte, martxan segiko du errefuxiatu sahararrei bidaltzeko jaki eta material bilketak, Biterin eta herriko ikastetxeetan.
Atzo eta gaur, berriz, bilketa berezia egiteko deia egin dute boluntarioek supermerkatuetan. Gaurkoa izango dute, beraz, bilketa horretarako azken eguna. Arroza, lekaleak, pasta, hegaluzea eta sardinak oliotan, azukrea eta konpresak eskatu dituzte. Supermerkatu gehienetan ariko dira boluntarioak bilketan laguntzen: Eroski (Zinkoeneakoa, Charter eta Aliprox), Super BM, Todo Todo, LIDL eta Dia.