‘Yumarako 3:10etako trena’ gaur, aurreneko ‘western’a Sandiusterrin

Hileko azkeneko ostegunean beharrean, asteazkenean egin­go dute oraingoan, Zinea Eus­ka­raz! egitasmoaren saioa. Beraz, gaur jarri dute zita San­diusterrin, 18:30etan, eta zine­ko genero klasiko bat ekarriko dute: western bat, hain justu.

Aurrenekoz jarriko dute mota horretako pelikula bat Zinea Euskaraz!en, eta James Mangolden film bat izango da: Yumarako 3:10eta­ko trena. Ru­ssell Crowe eta Christian Bale aktore ezagunak dira prota­go­nistak. Dan Evans (Bale) baka­rrik aurkeztu da boluntario, Ben Wade (Crowe) bide­lapurra zaintzeko lan arriskutsua egi­teko. Contention City he­rri­ra era­man beharko du, ber­tan bai­tago Yuma kartzelarako trena. 03:10etakoa hartu behar dute.