Mundarrok bigarren astez jarraian Zarkumendegin jokatu zuen eta berriz ere garaipen ederra lortu zuen. Oraingoan, bizilagunen arteko derbia egokitu zitzaien astigartarrei, eta Hernaniren aurka erraz irabazi zuten 3-0. Partidua hasi eta minutura etxekoak aurreratu egin ziren markagailuan Gazteren gol bati esker eta jaun eta jabe izan ziren 90 minutuetan. Hiru partidu jarraian galdu eta gero, berriz ere bolada ona hartu du Mundarrok eta beste hiru segidan irabazi ditu. Orain, hirugarren dago sailkapenean 24 punturekin liderrarengandik sei puntura.