Hernanitik Donostiara, sagardoa protagonista

Sagardoak hartuko du prota­go­nismo nagusia gaurtik au­rrera. Euskal Sagardoa jatorri-deiturak antolatuta, Euskal pintxo potea izango da gaur, arratsaldeko 19:30etan hasita Hernaniko tabernetan. Bertan, Euskal Sagardoa edan eta Eusko Label produktuak das­ta­tu ahal izango dira.

Hogehita bat tabernatan izango da aukera: Rioja, Txili, Garin, Atxur, Joxe Ma­ri, Kix­kal, Aralar, Tripon­tzi, Txo­ko, Goiz Argi, Akeit, Errio­guar­da, Antziola, Eper, Depor­tivo, Ka­rrero, Juxto eta Zin­kone­an
Horrekin batera, pintxo po­tea girotze aldera, bertso ka­ta izango da tabernaz taber­na, Aitor Mendiluzeren esku­tik. Hau ere, 19:30etan abiatu­ko da, Plaza Berritik. 

Urumean barrena eramango dituzte jan-edanak gaur, 17:15etatik aurrera.

Sagardo Apurua bihartik, Donostian
Urtero bezala, abenduko zubia aprobetxatzen du Gipuzkoako Sagardogileen elkarteak Do­nos­tiako Bulebarra sagardote­gi bihurtzeko. Eta halaxe izan­go da bihar ere; Sagardo Apu­ruaren bosgarren edizioari emango diote hasiera, goizeko 11:00etan hasita. Inaugurazio ofiziala, aldiz, eguerdiko 12:00­e­tan egingo dute.

Ordutik aurrera, eta igan­dera arte irekiko dute, eta ma­kina bat ekintza egingo dituz­te; besteak beste, Euskal Sa­gardoa dastatze gidatua, pin­txo txapelketa, bertso kata musikatua, bazkari gidatua KM0, herri kirol saioa...

Urumean barrena sagardoa
Dagoeneko ari dira prestaketa lanetan. Tartean, Astigarraga­tik eramango dute jan eta eda­na Bulebarrera. 16:30etan iri­tsi­ko dira sagar­doa eta base­rriko produktuak Herri Esko­la­ra, eta ondoren, 17:15etan garraiatuko dituzte Urumean barrena, Lizeaga sagardotegi paretik. 

V. Sagardo Apurua

Abenduak 6
11:00, Sagardo berriaren eta baserriko produktuen iritsiera Frantzia pasealekura;
deskarga eta aurkezpena Aitor Mendiluze eta Agin Laburu bertsolariekin, eta produktuen garraioa idi parearekin Bulebarrera.

12:00, ‘Sagardo Apurua’ baserriaren inaugurazioa eta aurreneko muztioa.

18:00, Txerri errea.

19:00, Euskal Sagardoa Jatorri Deitura dastatze gidatua.

Abenduak 7
11:30, Sagardo Apurua pintxo txapelketa.

12:00, Pintxo txapelketa herrikoia.

12:30, V. Sagardo Apurua pintxo txapelketaren sari banaketa.

18:00, Sagardo Cocktail lehiaketa.

20:00, Bertso kata musikatua Unai Agirre, Aitor mendiluze eta Imanol Kamioren eskutik.

12-18, Albaolaren erakustaldia.

Abenduak 8
10:30, 2018 uztaren aurkezpena.

11:30, Umeentzat tailerrak.

14:30, Bazkari gidatuak KM0.

18:00, Erromeria Estanga anai-arrebekin.

Abenduak 9
12:00, Herri kirol saioa.

12:45, 13:30 eta 14:15 Sagardo dastaketa Mikel Garaizabalekin.