Bilera informatibo sorta bat egingo dute datozen asteotan, auzoz auzo, adinekoek eskura dauzkaten udal zerbitzuak eta dirulaguntzak azaltzeko. Hala adostu dute Hernaniko Adinekoen Kontseiluak eta Udaleko Zerbitzu Sozialek.
Sei bilera izango dira guztira, eta aurrenekoa, gaur bertan egingo dute, Portuko auzo elkartearen lokalean. Arratsaldeko 18:30etan hasita, ordubeteko saioa izango da. Ostegunean, berriz, erdiguneko bizilagunekin egingo dute, Goiz Eguzkin, ordu berean. Eta hurrengo asteotan, Zikuñagan, Ereñotzun eta Etxeberrin jarri dituzte zitak. Antziolan ere egin nahi dute bilera bat, baina aurrerago jakinaraziko dute noiz.
Bilera horietan, azalduko dizkiete udalerrian dauden zerbitzuak eta adinekoek dauzkaten eskubideak: zahartzaro aktiborako aukerak edota jaso ditzaketen dirulaguntzak, egoera ekonomiko zailean daudenek bereziki.
BILERAK AUZO AUZO
Gaur, Portuko auzo elkartearen lokalean, 18:30etatik 19:30etara.
Etzi, Erdigunekoekin Goiz Eguzkin, 18:30etatik 19:30etara.
Abenduak 4, Zikuñagako auzo elkartean, 18:30etatik 19:30etara.
Abenduak 11, Ereñotzuko Auzo Etxean, 18:30etatik 19:30etara.
Abenduak 18, Etxeberriko auzo elkartean, 18:30etatik 19:30etara.
*Zehaztu gabe, Antziolan. Aurrerago jakinaraziko dute data.