Urrea lepotik zintzilik bueltatu da Munduko Pelota Txapelketatik, Aitor Gorrotxategi hernaniarra. CD Hernani klubak zoriondu egin nahi izan zuen larunbatean, eta Nazional mailako jubeniletako futbol partiduko ohorezko sakea egin zuen pelotariak; 3-1 irabazi zioten gero, Zarautzi.
Ohorezko sakea eginda, partidua bukatu berri zuen Erregional mailako kapitainak, Haritz Lujanbiok, tarta eman zion pelotariari, opari. Ohorezko erregionalek bana berdindu zuten Eibarren kontra. Euskal Ligako neskek, berriz, 0 eta 2 irabazi, Mariñori.