Leokadisti Txistulari Taldeak hiruhilean behin, gutxienez, ematen du kontzertua udaletxeko arkupetan, baina gaurkoa, 12:30etan, berezia izango da, Santa Zezilia eguna pasa berri baita.
Aurreko egunetan hainbat emanaldi egin dituzte Goiz Eguzki abesbatzak, Ttarla dantza taldeak, Txistulari Bandak, Musika Bandak edota ‘Hernani’ Musika Eskolako ikasleek. Gaurkoan, Leokadisti txistulari taldeak 10 pieza joko ditu: Leitza; Zortzikoa; Idiarenak; Bianditz; Agustin, Xantin ta Juan Joxe; Luzaideko dantza doinuak; Mamma mia; Bagare, Martxa baten lehen notak; eta 104 ilargi bete.