Gurasolagun saioak ere martxan, tailer eta hitzaldiez gain

Astigarragako Herri Esko­la­ko gurasoek hainbat zalantza argitzeko aukera izan zuten lehengo astean, Izar Arregi Aizpuru psikologo eta terapeutaren eskutik. Hitzaldia eman zuen, haurren jarrerak uler­tzen laguntzeko.

Guraso elkarteak Udalaren babesarekin antolatutako hi­tzaldia izan zen hori, eta ez da ikasturte honetako ekitaldi ba­karra izango. Hain zuzen, datorren astetik aurrera Gura­solagun saioak eta tailerrak ere martxan jarriko ditu, Uda­leko euskara saila, AEK euskaltegia eta Xaguxar aisialdi taldearekin elkarlanean.

Euskera praktikatzeko aukera, gurasoentzat
Gurasolagun egitasmoaren hel­burua da euskeraz dakiten gurasoak eta ikasten ari direnak elkartu eta euskeraz hitz egiteko gunea eskaintzea. Da­torren ostegunean, hilaren 22an egingo da aurreneko saioa, eta ordutik aurrera ostegunero elkartzeko aukera izan­go da, 16:45etatik 18:00e­ta­ra ikastolako jangela txikian. Haurrek ere izango dute bertan egoteko aukera, Xaguxa­rreko begiraleekin. 

Horrez gain, hilean behin tailerrak ere antolatuko dira, guraso eta haurrak elkarrekin aritu daitezen. Ikasturte osoko saioetan parte hartzea bultza­tzeko, pasaporte bat emango zaio parte-hartzaile bakoitzari, saio bakoitzean erakusteko. Horrela, ikasturte bukaeran pasaportea gehien osatu duenak saria jasoko duela aurreratu dute.

Osteguneroko Gurasolagun saioetan eta hilean behin egingo diren tailerretan parte har­tzea doan da, eta haur eta gu­raso guztientzat irekia,  baina aldez aurretik izena eman behar da. Horretarako, kul­tur etxera deitu daiteke, 943 33 50 64 telefono zenbakira, edo­ta iker-g@aek.eus helbide elektronikora idatzi.