Apirilean bete ziren 25 urte herritar talde batek Dobera Euskara Elkartea sortu zuela, eta hori ospatzeko, festa antolatu du elkarteak gaurko. Bazkide direnak, izan direnak eta ez direnek hartu ahal izango dute parte.
Burruntzirekin batera, jolasak
Goizeko 11:00etan emango zaio hasiera festari, umeentzako jolas eta tailerrekin. Doberako begiraleen eskutik izango da, eta bertan izango da Latxe aldizkariko protagonista, Burruntzi! Tilosetan izango da; eguraldi txarra egiten badu, aldiz, Atsegindegin.
Omenaldia, sortzaileei
Ondoren, eguerdiko 13:00etan egingo diete omenaldia Dobera Euskara Elkartea sortu zutenei. Hau ere, Tilosetan egingo dute eguraldi onarekin, eta bestela, Xalaparta Elkartean.
Eta bukatzeko, kantu bazkaria egingo dute, Xalaparta Elkartean bertan, Imanol Kamio eta Aitor Atxegarekin batera.
Abesti eta plater artean, gonbidatu bereziak ere izango dira, tartean.