Uztailan argitaratu zuen Latxe umeentzako aldizkariaren 0 alea Kronikak, eta datorren astean argitaratuko du laugarrena. Ordutik, harpide egiteko aukera eskaini zaie Urumea bailarako herritarrei, eta orain, hainbat dendatan ere eskuratu ahal izango da.
Oraingoz, Hernanin besterik ez da zabaldu, baina aurrerago, Urumea Bailarako beste hainbat txokotan ere, eskaintzeko asmoa dago.
Doberaren gaurko festan ere izango da salgai.
Lau denda, Hernanin
Hain zuzen, lau dendetan eskuratu daiteke Latxe, Hernanin: Dorronsoro okindegiaren bi dendatan (Lizeaga kalean eta Akarregi poligonoan), Antziola okindegian eta Ikusi Makusi dendan, hain zuzen.
Horrez gain, Dobera-Kronikaren bulegoan ere erosi daiteke, baita Doberaren gaurko festan ere.