Crespok hautagaitza aurkeztu du zerbitzuak eskatu behar direla aldarrikatuz

Ricardo Crespo izango da 2019ko maiatzaren 26an PSE-EEko hautagaia Hernaniko alkatetzara eta atzo aurkeztu zen ofizialki bere hautagaitza Denis Itxaso Diputatuak la­gun­­duta. «Garaia da Her­na­nik behar dituen eta den­bora lu­zean izan ez dituen zerbi­tzuak lortzeko». 

Datozen udal hauteskun­deetan Hernanik 21 zinegotzi aukeratu beharko ditu. 20.000 biztanletik gora duen herria da eta horrek lau zinegotzi gehiago edukitzea suposatzen du. «Errekurtso gehiago esku­ratzeko aukera ere suposatzen du» adierazi zuen Crespok aurkezpenean. «Gero kalita­tez­ko zerbitzu bihurtu behar dira eta horretarako ezin­bestekoa da beste erakun­deekin, esaterako Aldundia­rekin, harremanak indartu eta sendotzea. Legealdi hone­tan EH Bilduren Gober­nua ez da ia inoiz joan Aldundira errekurtso bila».

Crespok zerbitzuetan gabe­ziak aipatu zituen eta horien artean kale garbiketarena. «Behin eta berriz iristen zaiz­kigu herritarren kexak eta Garbi­tania lan horrekin hasi zenetik areagotu egin dira. Bestetik udaltzaingo zerbi­tzuaren inguruan ere gabe­ziak daudela ikusi dugu. Errekurtso gehiago behar di­tuz­te adibidez txotx ga­raian».

Cresporen ustez ezin da ahaztu herriko autobusean ere zerbitzua murritza dela. «Ordubetero dago zerbitzua eta oso frekuentzi txarra da, bestetik EH Bildu kexatzen da Aldundiak murrizketak egin nahi dituela herrien arteko zerbitzuan. Garaia da Herna­nik hiri baten zerbi­tzuak lortzeko».

Denis Itxasoren babes osoa jaso du Crespok
Ildo horretan mintzatu zen Denis Itxaso. «Crespo da Her­nanik eduki dezakeen hau­tagairik hoberena eta Her­naniren hazkundeak zerbi­tzuak hobetzea eskatzen du eta horretarako hernaniarrek aukeratu beharko duen alkatea beste erakundeekin erlazio hobea duena izan beharko du. Legealdi honetan gabezi bat egon da alde horretatik baliabide gehiago lortzeko. Isolamendu etapa itxi behar da».