Negulekuak antolatu ditu aurten ere, Dobera Euskara Elkarteak; eta Katiluzar Guraso Elkartearekin batera, Ereñotzun ere taldea osatu nahi du. Horretarako, izenematea zabalik dago, abenduaren 14ra arte: Doberaren bulegoan (Larramendi kalea 11, Hernani), dobera@dobera.eus helbide elektronikoan, edo 943 33 27 99 telefonoan. Abenduaren 24tik urtarrilaren 4rako lanegunetan izango dira, 09:00etatik 13:30etara, eta astebeterako (50 euro, bazkideek 40 euro) edo bi asteetarako (90 euro, bazkideek 75 euro) eman daiteke izena. 3-10 urtekoentzat dira Negulekuak; 2008 eta 2015 urteen artean jaiotakoentzat, alegia.