Familia eta lagun arteko giroan emango diote bukaera azaroari, ereñotzuarrek. Bihar goizean elkartuko dira, parkean, mendi irteera egiteko. Goizeko 09:30etan jarri dute zita, elkarrekin abiatzeko.
Añarbeko urtegiaren inguruan egingo dute mendi buelta, zortzi kilometro ingurukoa. Lasaia eta erraza izango da, desnibelik ez baitauka ibilbideak. Eta beraz, aproposa da irteera, adin guztietako auzotarrentzat.
Sukaldaritza ikastaroan, izenematea zabalik
Abenduan, berriz, sukaldaritza ikastaroa egingo dute, Gabonei begira. Bi saio izango dira, hilaren 12an eta 19an, arratsaldeko 19:00etan hasita. Ur-Mia elkartean egingo dituzte, eta gainera, bertan afalduko dute, saio bakoitzaren ondoren.
Ikastaroan izena emateko, zabalik dago epea, abenduaren 5era arte. Auzo Udalean egin behar da, eta 25 euro dira.