Etenik gabe dabiltza hilabeteotan Gazte Asanbladako kideak, urteroko pala txapelketa egin zuten duela aste batzuk, eta bihar, ohiko beste zita bat antolatzen hasiko dira: Upelio Festa. Zipotzan egingo dute bilera, arratsaldeko 17:00etan hasita.
Mus txapelketa, abenduaren 2an
Bestalde, beste ekintza baten berri ere eman du Astigarragako Gazte Asanbladak. Abenduaren 2rako jarri dute Mus Txapelketarako zita. Arratsaldeko 16:30etan hasita izango da, Zipotza elkartean.
Horretarako, interesa daukanak dagoeneko eman dezake izena Zipotzan bertan, hilaren 30era bitarte, hurrengo ostiralera arte.
Bikoteka eman beharko da izena, izena emateko momentuan ordaindu beharko dira, 10 euro bikoteko.