Liburu berria argitaratu du Jakoba Errekondo agronomo eta paisajista usurbildarrak: Landareak Lantzen 2018 gida-liburua.
Astigarragan egingo du aurkezpena etzi, astelehenean. Herri baratzeetan izango da, arratsaldeko 17:00etan hasita. Euria egiten badu, aldiz, udaletxeko areto nagusian eskainiko du hitzaldia Errekondok.
Euria egiten badu, udaletxeko areto nagusian izango da hitzaldia.
Landareak landatzen hasteko, gida
Hain zuzen, Landareak Lantzen 2018 aurkeztuko du, «era erraz eta ulergarri batean eskainita landareak nola baliatzen hasi eta ikasteko gida». Horren bueltan, arlo ezberdinak lantzen ditu: baratzea, lorategia, fruitu arbolak eta basoa. Eta aldi berean, «alor bakoitzean zein bide jorratu behar diren era xume eta ‘pedagogiko’ batean» azaltzen du.
Urte osoko plangintza aurkezten du bertan, eta aste bakoitzean zer lan egin behar den eskaintzen du.