Urumeako 2.000 lagun baino gehiago, hamaika eguneko erronkari helduta

Hamaika eguneko «ariketa so­ziala» hasi zuten atzo, milaka eta milaka herritarrek, Euskal Herri osoko makina bat herri­tan. Atzo abiatu zen Euskaral­dia, arratsaldeko 18:30etan, eta 196.000 lagunek hartu dute konpromisoa, osteguneko da­tu­en arabera, hamaika egunez euskeraz bizitzen saiatzeko.

Hizkuntza-ohiturak aldatu eta euskeraren erabilera bul­tza­tzea du helburu Euskaraldiak, eta erronka horretan bat egin­go dute Ahobiziek eta Belarri­prestek. Aurrenekoek, euskera ulertzen duten guztiei egingo diete euskeraz, eta ezezagunei ere, euskeraz egingo diete au­rreneko hitza. Belarriprest dire­nek, berriz, euskeraz hitz egi­ten dakiten guztiei eskatuko die­te hala egin diezaietela, beraiek gero erderaz erantzun arren. Batzuen zein besteen sa­ia­kerekin, «ariketa sozial haun­dia» izango dela nabarmendu dute antolatzaileek.

Eta ariketa horretan, parte­hartze haundia izango dute Uru­mea bailarako herritarrek ere. Zehazki, 2.108 lagun zeu­den izena emanda atzo eguerdian, bailarako herri guztien artean: Hernani eta Ereñotzuko 1.471 (1.276 Ahobizi eta 192 Belarri­prest), Astigarragako 470, Goi­zuetako 134 (130 Ahobizi eta 4 Belarriprest), eta Arano­ko­ 33 (26 Ahobizi eta 7 Belarriprest).

Partehartzaileen gehiengoa, Ahobiziak eta emakumeak
Euskal Herri osoko datuak kon­tuan hartuta, %74a dira Ahobi­ziak, izena emandako guztien artean; eta %26a, Belarripres­tak. Eta lurraldez lurraldekako da­tuak ere eman dituzte: 84.000 lagunek eman dute izena Gipuz­koan, 20.500 lagunek Nafarroan, 68.500ek Bizkaian, 17.500 biz­tanlek Araban, eta 5.500 lagu­nek Lapurdin, Behe Nafarroan eta Zuberoan.

Datu gehiago ere zabaldu dituzte. Esate baterako, jaki­na­razi dute, partehartzaileen %63a direla emakumezkoak, eta adin tarte partehartzaileena 36 eta 45 urte bitartekoa dela (izena emandako guztien %28a). Par­te­­hartzaile gutxien, berriz, 65 urte­tik gorakoen artean izan­go ditu Euskaraldiak, guztien %5a.

Antolatzaileek nabarmendu dute, bereziki, gazteen artean izan duen «harrera oso ona». Eta goraipatu dute, Euskaral­dia prestatzeko saioetan «milaka lagun» aritu direla, «ahaldun­tze ariketa garrantzitsu bat izaten ari denaren erakusle».

Era berean, eskertu nahi izan dute Eus­karaldiak jaso duen «babes haundia. Koor­di­na­zio taldean aritu dira Eus­kaltzaleen Topagunea, Eusko Jaur­laritza, Nafarroako Gober­nua, Ipar Euskal Herriko Eus­ka­raren Erakunde Publikoa eta Euskal Hirigune Elkargoa; bai­na horiez gain, era guztietako 180 entitatek osatutako susta­tzaile sarea izan du Euskaral­diak. Horien artean daude eus­keraren gizarte eragileak, era­kunde publikoak, enpresak eta bestelako gizarte eragileak. Sa­rea, baina, askoz ere zabalagoa izan da, herriz herri ere eus­kal­tzaleak, erakundeak eta bes­telako entitateak aritu direlako Euskaraldiaren antolaketan», nabarmendu dute.

Hernanin eta Astigarragan, besteak beste, atzo egin zuten ekitaldi bana, 11 egune­ko erron­ka abiatzeko. Aben­du­a­ren 3ra arte, Euskeraren Egu­nera arte, jantzi duten txapak mar­katuko die zeregina. Baina egun ho­rre­tatik aurrerakoa da jomuga.