Eguberri hauetan Hernaniko 70 denda inguruk Hernani Bonoa kanpainan parte hartuko dute. Hernani Bonoaren bitartez, pertsona interesatuek bonu bat erosiko dute 40 eurogatik, eta automatikoki 50 euro edukiko dituzte kanpainari atxikitako edozein dendetan kontsumitzeko.
Beraz, bonu hauek %20eko aurrezkia emango diete kontsumitzaileei eguberriko erosketetan. Berriakeko Marta Zulaica eta Mertxe Jimenezek diote. «Ekintza honi esker Eguberri hauetan 15.000 euro herrian gastatuko dira».
10 euroko bost kupoi eta nahi denean erabili daiteke
Aipaturiko bonua 10 eurotako bost kupoik osatzen dute. Erosketa bakarrean erabili ahal izango da gastuaren arabera edo banaka, komeni denaren arabera.
Bonua NANa erakutsiz lortu ahal izango da. Pertsona bakoitza NAN batekin edota gehienez bi zenbakirekin joan ahal izango da. Eroslearen datuak eta NAN zenbakia hartuko dira.
Kanpainari atxikitako dendek kartel bereizgarria izango dute beraien erakusleihoetan, haiek erraz identifikatu ahal izateko.
Asteartetik aurrera jarriko dira salgai eta urtarrilaren 6ra arte iraungo du
Azaroaren 27tik, abenduraen 5era bitarte jarriko dira salgai 300 Hernani Bonuak eta Biteri kultur etxean erosi ahal izango dira ordutegi honetan: Astelehenetik ostiralera 10:00etatik 12:00etara eta 16:00etatik 18:00etara.
Kupoiak balizkoak izango dira eskuratu diren egunetik, eguberri-kanpaina bukatu arte, urtarrilaren 6a arte.
Partehartzaileen zerrenda www.hernanidendak.eus kontsultatu ahal izango da.
Gabonetako argiak jartzeko 12.000 euroko inbertsioa
Aurten Hernaniko Kaxkoak argi gehiago edukiko du Eguberritan. Berriak elkartea eta Udala akordio batera iritsi dira Gabonetako argi gehiago jartzeko. «Jendeak argiztapen gehiago eskatzen zuen, baita merkatariek ere». 12.000 euroko inbertsioa egin du elkarteak kontsumo bajuko argiak jartzeko.
Erakusleihoen konkurtsoa martxan
Bestetik erakuslehioen konkurtsoa jarri dute martxan. 28 dendak hartuko dute parte abenduaren 10etik aurrera. Umeentzako ipuin bat ere kaleratuko da Gabonetarako. 5.000 ale izango dira eta Alai Zubimendiren ilustrazioekin dago osatua.
Azkenik, Hernani Txartela erabiltzen duenak erosketak egiteko, Euskal Sagardoaren 100 botila eta 100 ardo botilen zozketan sartuko da.