Beldur barik ikus-entzunezkoen lehiaketako sari banaketa nagusia bihar egingo da, Gasteizen, baina gaur, Hernaniko sariak banatuko dira, 18:30etan Biterin.
Indarkeria sexistari aurre egiteko beldurrik eza sustatzen duen programa da Beldur Barik, eta besteak beste, lehiaketa antolatzen dute, gazteek jarrera hori oinarri hartuta ikus-entzunezko lanak egin ditzaten.
Eta Hernaniko sariketan garaileak Bizi(h)itza (Elena Mujika, Ekain, Naia eta Alaitz Barrenetxea, Eider Goikoetxea eta Intza Pagola) eta Uxue Bereziartuaren Titi puntak lanak izan dira. 150 euroko sari bana, irabazi dituzte bi bideo hauek. Aurkeztutako bideoak eskainiko dira. 12 eta 17 urtekoek eta 18 eta 26 urte artekoek partehartu dute.
Autobuserako eta botoa emateko, interneten
Sari banaketa nagusia, berriz, Gasteizen egingo da bihar, eta autobusa jarriko da bertara joateko. Izena emateko: www.beldurbarik.org.
Manifestazioa eta solasaldia
Igandean 13:00ean aterako da manifestazioa Plaza Berritik, Hau ez da justizia lelopean. Eta asteartean, 18:00etan Biterin: Hedabideen papera indarkeria matxistaren aurrean: informazioa ala desinformazioa solasaldia egongo da.