Hausnarketarako gune gaur, Aquariuma

Biolentzia Sexis­ta­ren kon­trako Matazen Pen­tsa­mendu Fe­­mi­nis­taren aurreneko To­pa­­keta antolatu du Astiga­rra­gako Harituz Elkarteak gaur­ko. 
Donostiako Aquariumean izango da; goizeko 08:30etan emango zaio hasiera jardu­nal­­diari, eta arratsaldeko 17:00­ak aldera dago aurrei­ku­sia bukaera.

Hausnarketarako espazioa
«Emakume izate hutsagatik emakumeen kontra erabiltzen den biolentziari ikusgarrita­suna eman eta horren ingu­ruan hausnartzeko espazioa izan nahi du», Harituz elkar­teak azaldu duenaren arabera. 

«Gure bizitzak zeharkatzen di­tuen indarkeria horien lo­gika eza­gutu eta ulertzea ahal­dun­tze-ekintza bat da eta borro­ka­rako erreminta bat», nabarmendu dute.

Lehenengo, inaugurazioa
Materialaren banaketarekin hasiko dira; ondoren, 09:00­e­­tan inauguratuko du­te jar­du­naldia Miren Elga­rrestak, Isa­bel Oterok eta Silvia Bua­ven­tek, hau da, Foru Al­dun­diko Ber­din­­ta­sun Zuzen­dariak, Hari­tuzeko lehenda­kariak eta Ema­­­­ku­mea­ren Insti­tu­tuko zuzen­da­riak.
Ondoren, mota ezber­dine­tako mahai-inguru eta hitzal­diek emango diote jarraipena.

Tartean izango da Zorione Etxezarraga alkatea, horieta­ko batean parte hartzen. Az­ken mahai-inguruan izango da bera, Nola jardun arlo pu­blikoan biolen­tzia sexistaren kontra izenburupean.