Santa Zezilia eguna izango da bihar, eta hori ospatzeko, Euskal Herriko Musika Eskolen elkartearen Musikalean ekimenarekin bat egingo du Astigarragako Norberto Almandoz Musika Eskolak. Gaur alaituko dituzte kaleak musikaz, arratsaldeko 18:30etan hasita.
Kalejira, aurrena
Trikitixa eta pandero-joleek emango diote hasiera festari 18:30etan abiatuko dira Musika Eskolatik, eta herrian zehar ibiliko dira. Ondoren, 19:00etan Musika Eskolara egingo dute buelta, bertako Areto Nagusian egingo dituzte entzunaldiak: trikitiekin hasi, pianoekin jarraitu eta Ken 8 eta Ilargian taldeekin bukatuko dute.