Aurtengo martxoaren 8an burututako grebak eta herrietan izandako mobilizazioek aurreikuspen guztiak hautsi zituzten. «Inoiz baina emakume gehiago atera ziren kalera euren eskubideak aldarrikatzera, mugimendu feministaren borrokan mugarri bat markatu zuelarik egun horrek. Kanpora begirakoa izugarria izan zen arren, barne antolaketari dagokionez, hainbat hutsune identifikatu dira, batez ere militantzia eta konpromiso mailari lotuak» diote Udaleko Berdintasun sailetik.
Horren inguruan ariko dira hizketan ikastaroan Eta martxoaren 8a eta gero zer? aztertuko dute bihar, 17:30etatik 20:30etara Plaza Feministan. Baita azaroaren 29an ere. Apuntatu nahi izan ezkero berdintasun@hernani.eus helbidera idatzi edo 943 33 70 17 telefonora deitu behar da. 6 euro balio du eta euskeraz da.
Espazio honen bidez gizarte mugimenduetan dagoen militantzia ereduaren inguruan hausnartu nahi da, jendartean ematen ari diren aldaketak ulertzeko eta feminismotik aurrera begirako estrategia berriei bide egiteko.