Lurralde batasunaren garrantzia aztergai

Hernani  Errotzen, memoria his­torikoa lantzen duen el­kartea, ekitaldi desberdinak anto­latzen ari da eta la­runbateko kontzertua eta gero hitzaldia dator. Etzi, asteaz­kenean, Eneko Bide­gainek Lurraldea eta herria. Zazpiak bat. Atzo, gaur, bihar hitzaldia emango du 19:30etan, Biterin.
Bidegainek lurralde bata­sunaren garrantzia herriaren identitate kolektiboan eta kul­turan aztertu du. Idaz­learen arabera, «boterearen galtzeak eta lurraldearen zati­ketak era­gin dute euskal kontzien­tzi­aren ahultzea, eta azken ha­mar­kadetan area­gotu egin da zatiketa administra­tibo­aren eragina, herriaren bata­su­na­ren eta kohesioaren kal­tetan».
Enekoren kezka nagusia da Euskal Herriaren lurralde ba­ta­sunaren egoera. Esaten due­nez, aztertu nahi izan du «no­la izan den herri batu bat his­torian zehar, nola galdu duen batasun hori eta zeintzuk izan diren erresistentziak Euskal Herriaren askatasunaren al­de­ko mugimenduan».

«Azken urteotan distantziak haunditu egin dira»
Horrez gain, gaur egungo egoeraren irakurketa egin du: «azken urteotan, distantziak haunditzen ari dira antola­keta administratibo baten edo bestearen mende dauden zatien artean». Gaiari ez zaio egunerokotasunarik falta.