‘Katarrapikaka’ lehiaketa, gaur

Aurrera jarraitzen dute Goi­zu­e­tako kultur ekintzek, eta zita garrantzitsuena gaur zortziko Feria Eguna izanen den arren, aurretik ere badute zerekin go­zatua, herritarrek.

Horretarako, sekulako pla­na daukate gaurkoan: iaz egin zuten bezala, Katarrapikaka lehiaketa «mundiala» eginen dute berriro. Udaletxeko ganbaran izanen da, arratsaldeko 18:30etan hasita. Talde partehartzaileek, mota guztietako probak eginen dituzte, herriaren inguruko ezagutzarekin eta euskerarekin lotutakoak.

Datorren ostiralean, berriz, euskal kantu emanaldia izanen da, 18:30etan ganbaran hori ere. Oiartzunetik etorrita, Irati, Ane eta Joxe Leonek osatutako hi­ru­koteak eskainiko du. 

Hu­rren­go egunean izanen da Feria Egun haundia, egun osoko programarekin. Herriko artisauen erakusketak izanen dira aurrena, goizeko 10:00etan hasita ordu laurdenero; Emarri taldekoen eta goizuetarren ar­te­ko giza proba desafioa gero, 12:30etan; babarrun jatea bazkalorduan; eta Bixenterekin mu­sikaldia azkenik, 18:30etan.