Udalak diru-laguntza deialdia argitaratu du, 2017 eta 2018 urteetan etxebizitzetako leiho eta ateleihoak aldatu izana laguntzeko, modu horretan, batetik, «isolamendu akustikoa hobetu», eta bestetik, «energia kontsumoa murriztuko» delako; «etxebizitzetako bizigarritasun baldintzak hobetzea» bilatzen da.
Diru-laguntza horiek, Kale Nagusia, Apeztegi plaza, Pelotari kalea, Tomas Alba kalea eta Lanberri kaleetako etxebizitzetarako izango dira.
50.000 euro
Laguntza hauetara bideratutako aurrekontua 50.000 eurokoa da, eta eskaerak aurkeztu ahala tramitatu eta ebatziko dira, «beti ere aurrenkontu-kreditua dagoen bitartean». Hala ere, «eskaera haundia egongo balitz, aurrekontua haunditu» dezakeela jakinarazi du Udalak, deialdian.
Eskaerak abenduaren 31ra arte egin daitezke, edo «diru-laguntza emateko aurrekontua amaitzen den unera arte».
Emandako laguntza, gehienez, egindako inbertsioaren %25ekoa edo onuradun bakoitzeko 1.000 eurokoa izango da.
Baldintzak eta aurkeztu beharreko dokumentazioa: www.astigarraga.eus.