Semifinaletara gerturatzeko lau puntuen bila, Barrenetxea

Primeran hasi zuen Binakako Txapelketa, Endika Barrenetxea hernaniarrak, aurreneko partidua irabazita. Eta gaur jokatuko du bigarrena, beste lau punturen bila, semifinaletara gertu­ratzeko. Oraingoan bai, Ansa II izango du lagun, aurrekoan ezin izan baitzuen jokatu, sudurra hautsita zeukalako. Matxin III eta Ion izango dituzte aurrean; estreinako jardunaldian, Urri­za eta Zubiriren kontra galdu zu­ten haiek.

Arratsaldeko 16:00etan hasi­ko da jaialdia, Galarretan, eta bigarren partiduan ariko da hernaniarra. Hirugarrena ere, Binakako Txapelketakoa izango da: Ezkurra II eta Etxeberria III, Juanenea eta Endikaren kontra. Bi bikoteek galdu egin zuten aurreneko jardunaldian, eta be­rriro galtzen duenari, oso zail jarriko zaio txapelketa.

Ezin hobeto hasi direnak Uterga eta Azpiroz dira. Oste­gu­nean Urriza eta Larrañagari ira­bazita, zortzi punturekin dira, eta ondo bideratua daukate se­mifinaletara sailkatzeko helbu­rua. Ligaxkako lau bikote onenek egingo dute aurrera.