41 kontratu gauzatuko dira guztira Beterri-Buruntza eskualdean. Lanbidek aditzera eman duen Tokiko enplegu ekintzak deialdiaren ebazpena dela eta Beterri-Buruntzako Udalak (Andoain, Astigarraga, Hernani, Lasarte-Oria, Urnieta eta Usurbil) proiektu desberdinak kudeatuko ditu eskualdeko langabetuen lan egoera hobetzeko asmoz.
Ekintza horiek udaletxeetako eta enpresetako eremuetan laburbildu daitezke.
Udaletxeetako proiektuetan 22 kontratu
Abenduak 31a baino lehen 22 kontratu burutu beharko dira eskualdeko udaletxeetan proiektuak burutzeko.
Gazte langabetuek eta emakumezkoek lehentasuna izango dute hurrengo sei proiektuetan: Eskualdeko Guztion proiektuan bi aparejadore kontratatuko dira; Kontrataziorako dirulaguntzen dinamizatzaile bat; marketing komertzialetarako kudeatzailea, la-neratze enpresa baten inguruko bideragarritasun plana egiteko teknikaria; maskoten kontzientziazio kanpaina burutuko duen teknikaria; eta intsertzio soziolaboralerako teknikaria.
Lan Mundura sartzeko zailtasunak dituzten taldeentzat 15 kontratu egingo dira: 1. mailako ofiziala (margolari eta igeltsero) 5 pertsona; 2. mailako ofiziala (igeltsero), bi pertsona; eta 8 peoi (brigada).
Lanbidek kudeatuko ditu eta www.lanbide.eus helbidean argitaratuko dira lan eskaintzak eta bertan eman beharko da izena. Kontratu bakoitzaren iraupena proiektuaren araberakoa izango da baina kontratuek lanaldi osoan bost hilabeteko batazbestekoa iraupena izango dute. Lehentasuna dute eskualdeko biztanleek.
Dirulaguntzak enpresetan 19 kontrataziotarako
Enpresetan kontratazioak burutzeko 19 dirulaguntza kudeatuko dira eta eskualdeko enpresa guztiak izan daitezke laguntza hauen onuradun. Kontratua eskualdekoa den langabetu bati egin behar zaio eta 3 hilabeteko iraupen minimoa izan beharko du, lanaldi osokoa. Laguntzak Andoaingo Urigain etxean eskatu beharko dira eta, horiek, konkurtso bidez emango dira.