Bizilagunek helarazitako kexak kontuan hartuta, Udalak azaldu du «onartezina» dela Gazte Asanbladak izandako portaera, «baimenik ez zuten ordutegian kontzertua antolatzeagatik», eta hori horrela, «Gazte Asanbladak bere ekintzak antolatzeko udal diru-laguntza jasotzen duenez, Udalak aztertu egingo du debekua ez betetzeagatik zigortu daitekeen».
Ordutegitik kanpo
Udalak azaldu du Gazte Asanbladak baimena eskatu zuela duela bi larunbat kontzertu bat antolatzeko, pala txapelketa eta afari herrikoiaren ondoren, goizeko 02:00etan hasita ordubetez.
«Udal gobernu taldeak baimena eman zien kontzertu hori 01:00ak arte antolatzeko, horrela, tabernetako terrazetako neguko ordutegiarekin bat egiten zelako». Baina kontzertua 03:00ak arte luzatu zen, eta horregatik, «bizilagunen artean sortutako ezinegona eta lotarako sortutako zailtasunak» ulertzen dituela dio. «Gazte Asanbladak Udalak esandakoari ez entzuna eginez antolatu zuen kontzertua». Neurriak hartzea aztertzen ari da orain.