«Bizi kalitatea hobetzen» duten aurrekontuak, auzotarrei aurkezten

Udal gobernu taldea herri­ta­rre­kin biltzen ari da, 2019ko udal aurrekontuen inguruko azal­penak eman eta 2020koei begira, astigartarren proposa­men eta ideiak jasotzeko. Gaur, 18:30etan Estankon bilduko da Oialume eta Ergobiako bizi­la­gu­nekin, eta 20:00etan loka­lean, Arrobitxulo eta Urumea Be­rrikoekin. Bihar, berriz, kaxko­ko­­ekin, 19:00e­tan udaletxean.

Gobernu taldearen esane­tan, «2019ko aurrekontuek he­rri­ko bizi kalitatea hobetzen du­te»; hain zuzen, «gehien in­dar­tu den arloa gizarte arloa» izan delako: «hezkuntza, ki­ro­la, ber­din­tasuna, irisgarritasu­na eta hirigintza barneratzailea».

Gerakinari esker, inbertsioak
Hasierako aurkezpenean in­bertsioen atala txikiagoa izan arren, aurreko bi urtetan be­zala, likidazioaren ondoren­go gerakin haundiari esker hazi egingo dela azaldu du gobernu taldeak. Horrela, gaur arte in­ber­tsioen %14,23 ejekutatu bada ere, hau da, 655.353,60 euro, denera 4.604.116,91 euro daude 2018ko inbertsioetarako. 

Beraz, da­torren urtean gau­­zatuko dira Arrobitxuloko igo­­gai­lua, Gal­tzaur kaleko as­fal­tatze lanak, Bidebitarte poligo­no­­­aren zati bat berritzea, Er­go­bia plaza berritzea, Arrobitxu­lo­ko lur-jausietarako egonkortze lanak, Anuskako irisgarritasu­na ho­betzea, Herri Eskolako txiki­e­nen jantokia haunditzea, Kon­txa Etxeberriako Haurresko­la berria eta DBHrako lurraren erosketa, «garrantzitsuenen artean».

Era berean, beste hainbat arlo ere indartuko direla azaldu du: Zarkumendegiko aldagelak berritu eta rokodromoa egingo da; Ergobia eta Pu­tzue­ta as­fal­ta­tu eta landa ingurunea ar­giz­tatuko da; Arrobitxulo Herri Es­kola eta kiroldegiarekin lo­tze­ko igo­gailurako 2018an au­rrei­ku­si­ta­ko 600.000 euroez gain, beste proiektu ba­tzue­ta­rako 50.000 gehiago izango dira; edota Ma­pa Morean jasotako proiektu­e­tarako 60.000 euro izango dira, «ge­neroa, irisgarri­ta­suna eta mugikortasuna integratzeko».

Bi teknikari berri
Langile gastua %18,2 hazi da le­ge­gintzaldi hasieratik, 2.223.208,81 eurora iritsi arte, bereziki, bi teknikari berrietarako: Berdin­ta­­­sun, Bizi­kidetza eta Par­te Har­tze­koa bat, eta Turis­mo, En­plegu eta Mer­ka­tari­tza­koa, bes­tea; «es­tra­tegikoak dira». Gastu oro­korra ere %19,6 igo da 2016tik udal zerbitzuak mantentzeko, eta di­ru-lagun­tzak %36, «kul­tura eta gizarte arloarekin EAJren konpro­misoaren erakusgarri».

Proposamenak, jasota
PSE-EEren ba­besarekin onartu dira aurrekontuak. Honen ale­ga­zioak, «170.000 euro arte­ko­ak», eta «EH Bildu­ren 35.000 eu­ro artekoak» jaso dira; «ge­hie­­­nak txertatu dira, beste batzuk ikerketa behar dute, eta beste batzuk oraingoz ezinezkoak di­ra», dio gobernu taldeak. Bes­talde, «tek­ni­karien hobe­kuntza pro­po­sa­men guz­ti­ak kontuan hartu» direla azpima­rratu du, baina, «EH Bilduk, udal gobernu taldearen lana zapuztu nahian, kontra bozkatu» zuela.