Bizilagunak egitasmoaren ekitaldiak ez dira Hernanin amaitu. Pasa den urtean bezala aurten ere Karabeleko etxaldean beste bazkari bat egingo dute gaur. Bazterkeria egoeran daudenen inklusioa sustatzen duen Agifeseko langileek eta Amherrekoek bazkalduko dute elkarrekin.
Igandean hasi zen egitasmoari ekitaldi horrekin emango zaio amaiera aurtengo urtean. Bazkari eder baten bueltan, 52 familiak 26 bazkaritan eta 72 gaztek, zortzi bazkaritan, elkar ezagutzeko aukera izan zuten.
Jende asko bildu zen Plazan ekitaldi xumean eta argazkirako
Plazan eginiko ekitaldi xumean ere jende ugari bildu zen. Unai Agirrek bertsoak abestu eta soinua ere entzun zen. Zazpi urte bete ditu Sos Arrazakeriak antolatutako Bizilagunak ekimenak eta bertako eta beste herrialdetako bizilagunek elkarrekin bazkaltzen dute.