Mendizale Astean ere gaztetxoak kontuan izan ditu Mendiriz Mendi elkarteak. Urtero bezala, ostiralez antolatu zuen haientzat egun berezia. Aurreko ikasturteko gazteen irteeretako argazkiak ikusi zituzten, aurrena; eta ondoren, dominak banatu zizkieten.
Argazki digitaleko irabazleak, zehaztuta
Horrez gain, Mendiriz Mendiko XXXIX. argazki lehiaketako irabazleen berri ere eman zuten. Besteak beste, sarituak izan ziren: Rafa Zuza, Mendiari buruzko argazki onenagatik; Pedro Mª Vilchez, Paisaiari buruzko argazki onenagatik; Iosa Moreno, Hernani gai bezala duen argazki onenagatik; eta Bilduma Onenaren saria Xabier Arnaizentzat izan zen.
Mª Mamerta Agirre eta Ainara Rodriguezen argazki bana ere aukeratu zituen epaimahaikideek, elkarteak ateratzen dituen irteeretako egutegietan publikatzeko.
Bazkideen Eguna izango dute datorren igandean, 18an.
Beste irteera bat, gaur
Ostiralean ez ezik, gaur ere gaztetxoen txanda izango da. Haiekin egingo dute irteeratxoa Beasaingo Murumendi mendira. Goizeko 08:30etan abiatuko dira, Biteritik.
Mendizaleen Astea, ordea, ez dute datorren igandera arte borobilduko. Orduan izango dute Bazkideen Eguna; orduan, Antoñana-Hornillo (996m)-Ibernaloko Ama Birjinaren baseliza (Santa Kurutze Kanpezu) ibilbidea egingo dute.