Bizilagunak ezagutzeko zita, igandeko bazkariaren aitzakian

Berriro ere, bazkari eder ba­ten bueltan, elkar eza­gu­tzeko au­ke­ra aprobetxatuko dute hainbat hernaniarrek bi­har. Euskal Herriko hain­bat txo­kotan be­za­la, 2012az geroztik Sos Arra­za­keriak an­tolatutako Bizila­gunak eki­menarekin egingo dute bat bertako eta beste he­rrialde batzuetako bizila­gunek.

Plazan elkartuko dira, bihar eguerdiko 13:00ean, eki­taldi xume baten on­doren, bazkaltzera joateko.

26 bazkaritan, 16 herrialde
Ekimenaren helburua da, ba­tetik, jaiotzez bertakoak di­renak konturatzea ingu­ruan herrialde desberdi­ne­tako zen­bat bizilagun dauz­katen, eta haiengana gertu­ra­tzeko pau­soa ematea. Bes­tetik, berriz, etorkinek ere ber­tako lagunak egin eta bizitokia duten herria eza­gutzea.

Hernanin Amher elkartea ari­tzen da elkarlanean Sos Arra­zakeriarekin, dena antolatzen. Izena eman du­te­nak, dinamiza­tzai­le ba­ten la­gun­tzarekin, baz­kari ba­ten buel­tan elkar­tzen ditu, baten edo bes­tearen etxe­an, he­men­go eta hango jakiak pro­ba­tze­ko. Aur­ten, 26 fa­mi­liak eman dute izena, eta ho­rietako 8 bazkari, Gazte Bizi­la­gunen ar­tean egingo dira; hau da, gazte koadrilen ar­te­an egingo dituz­te elkar tru­ke­ak. Gutxi-gora­be­he­ra, 70 bat gaz­te elkar­tuko di­re­la kalku­la­tzen dute, 8 baz­kari horietan, eta beraz, pozik daude, familiak ez ezik, lagun taldeak ere biltzen dire­lako. 

Denera, 16 herrialdek egin­go dute bat: Sahara, Ma­ro­ko, Senegal, Ni­geria, Ghana, Mali, Kolonbia, Bo­livia, Peru, Nica­ra­gua, Hon­du­ras, Gua­te­ma­la, Mexiko, Mon­golia, Uzbe­kis­tan eta Euskal Herriak.

Festa, aurretik eta gero
Bazkaltzera joan aurretik, bi­har eguerdiko 13:00ean Plazan elkartuko dira eki­me­nean par­te hartuko duten guz­tiak;  gaz­teak 12:30etan, Atse­gin­degin, G1 auto­bu­sa­ren geltokian, eta handik joan­go dira Plazara. Bertan, on­gieto­rria emateko bertso­ak kan­ta­tu­ko dira eus­keraz, eta itzuli egingo dira gaz­telaniara, ingelesera, fran­tsesera eta arabiarrera. Fa­milai argazkia aterata, baz­ka­ritara joango dira.

Arratsaldean ere izango da festa, baina kasu honetan, gazteentzat; 17:30etan Gaz­tetxean elkartuko dira, mu­sika, jolasak... tarteko.

Asteartean, Karabelekon
Zita garrantzitsuena biharkoa bada ere, Karabeleko etxal­de­an beste bazkari bat egingo du­te hainbat taldek, asteartean.