Nafarroako Arartekoari 27 abeltzainek eta bederatzi alkatek, horien artean Goizueta eta Aranokoek, sinatutako idatzi bat aurkeztu zaio keja bat helaraziz.
Idatziaren edukiak Nafarroako Gobernua lantzen ari den abeltzaintza ustiategien inguruko foru dekretuaren inguruan sinatzaileek egiten duten balorazioa jasotzen du eta eskaera egiten dute.
Ingurumena eta abeltzaintza kultura tradizionala zaindu eta elikagai osasuntsuak ekoizten dituzten eragileek, hau da; abeltzaintza tradizional estentsiboak, tamaina txiki eta ertainekoak eta dibertsifikatuak, eredu intentsibo industrialetik bereizketa argia egitea eskatzen zaio Administrazioari.
Eta azken honetarako beste dekretu bat egitea, manejo honek dituen ezaugarri eta berezitasunetara eta eskualde bakoitzeko egoera eta antolamendura egokituko dena.