Bihar da San Martin eguna, baina Aranon gaur ospatuko dute. Eta urtero bezela ekitaldiak antolatuko dira gaurko egunez. Aranon egun garrantzitsua izanen da eta goizetik iluntzera ospatuko da.
Udalak antolatu du eta otar tailerra egingo dute Maisuenean, paper bertziklatuarekin. Onddo eta perretxikoen inguruko tertuliarekin batera egingo da, 17:00etatik aurrera, eta iraun arte izanen da.
Onddotara plastikozko poltsekin ez joatea da bidali nahi den mezua eta horregatik eginen da saski tailerra. Horrekin batera esan behar da, Aranon bazela ofizioa eta azken otargilea oroitu eta omenduko dute.
Talo jatea, 20:00etan
Eta eguna bukatzeko, tripa betetzeko eta berotzeko ere izanen dute parada: taloak eginen dituzte eta gozatzeko aukera izanen dute bertaratzen diren guztiek, iluntzeko 20:00etatik aurrera.