Galtzaur kaleko asfaltatze lanekin, trafikoan aldaketak

Datozen asteotan hasiko ditu Astigarragako Udalak, Galtzaur kaleko asfaltoa berritzeko la­nak. Datorren astearen bukaeran edo hurrengoaren hasieran jarriko dira martxan, eta bi hilabeteko iraupena izango du­tela aurreikusi dute; otsailaren hasierako bukatuta egotea espero dute, zehazki. Gai­ne­ra, tarte horretan, aprobe­txatuko dute konponketak eta hobekuntzak egiteko, Murgi Errota Bideko as­fal­toan ere.
Hori horrela, lanek iraun bitartean, alda­ketak izango dira trafikoan eta A1 autobusaren ibilbidean. Udalak azaldu duenez, Obren Saila harremanetan ja­rri da garraio pu­bli­koaren kon­painiarekin, alda­ke­ta horren beharra azaltzeko; eta aurreratu du, behar bezala ja­kinaraziko dietela herritarrei, zein aldaketa eragingo di­tuz­ten bi kaleetako asfaltatze lanek, trafikoan ere.

Galtzaurreko lanak zatika, auzoko sarrerak ahalik eta gehien mantentzeko
Obren eragina ahalik eta txiki­ena izan dadin, zatika egingo dituzte lanak, Galtzaur ka­le­an, eta «auzoko sarrerak ahalik eta gehien mantentzen» saiatuko dira. Edozein kasutan, la­nek sortu ditzaketen eragozpenengatik barkamena eskatu die Udalak, astigartarrei.
Asfaltoa berritzeko lanekin, bidean dauden pitzadurak eta kalteak konpondu nahi dituzte, autobusen zirkulazioak eragindakoa. Izan ere, A1 autobusaren ibilbidea bertatik pasa­tzen, bi aldiz orduro, Herna­ni­tik Do­nos­tiarako norabidean.