Leo Da Vinciren misioari segika, kultur etxean gaur

Haurrei bereziki zuzendutako pelikula jarriko dute gaur, kultur etxean: Leo Da Vinci, Mona Lisa misioa, marrazki bizidu­ne­takoa. Arratsaldeko 17:00etan hasiko da, eta sarrerak ordubete lehenago jarriko dituzte salgai, kultur etxean, 2 euroan. Euskeraz izango da, eta 82 mi­nutu irauten du filmak.
Leonardo Da Vinci da protagonista; eta bere asmakuntza eta aurkikuntzen artean, ba­dau­ka ilusio berezi bat: hegan egitea. Abentura horrek Mon­te­cristo irlara eramango du, lau lagunekin batera: Lorenzo, Agnes, Niccoló eta Lisa; azken horretaz maiteminduta dago Leo, berak jakin gabe.
Irla horretan, altxor bat aur­kituko dute, itsaso azpian. Baina laster konturatuko dira, arriskutsua dela beraien mi­sioa: pirata talde batek eskuratu nahi du altxorra, edozein trikimailu erabilita ere.
Leonardo Da Vinci Errena­zi­­menduko polimata ezagunean inspiratuta dago pelikula, eta Sergio Manfio zuzendari italiarraren lana da.