Irailean Aizkorrira eta urrian Artikutzara joan ondoren, datorren astebururako jarri du zita Mundarro Kirol Elkarteak. Eta oraingoan, Ernioko tontorrera (1.075 metro) igoko dira, Alkizatik abiatuta.
Igandean izango da hori, azaroaren 18an, eta parte hartzeko, zabalik dago izena emateko epea. Apuntatzeko, kiroldegira jo behar da, edo idatzi kiroldegia@astigarraga.eus helbide elektronikora.
Irteeraren egunean, goizeko 08:30etan jarri dute zita, Joseba Barandiaran plazan. Bertatik, kotxe partikularretan joango dira elkarrekin, Alkizara. Handik hasiko dute mendi buelta, eta bertan bukatuko dute.