Aurreko asteburuan atseden hartu ondoren, etxean jokatuko du berriro Mundarrok, mutilen Gipuzkoako 1go mailan. Eta azkeneko partiduan bezala, kontrario zuzen bat hartuko du kiroldegian, bihar goizeko 11:15etan hasita: Bosteko Irauli. Sailkapenean laugarren dago talde donostiarra, lau garaipenekin. Bat gutxiago daukate astigartarrek, eta bihar irabaziz gero, aurreratu egingo dituzte donostiarrak, sailkapenean.
Gipuzkoako bigarren mailako neskek, berriz, Zarautzen jokatuko dute gaur. Arratsaldeko 18:30etan izango da partidua, Antonianos kiroldegian. Denboraldiko aurreneko garaipena lortu nahi dute astigartarrek, baina lan zaila daukate gaurkoan, Zast liderraren kantxan ariko baitira.