Aurreneko partidua gaur, Binakakoa hasteko

Erremonteko neguko lehia­rik garrantzitsu­ena aurkeztu zuten herenegun Galarretako fron­to­i­an: Binakako Txapel­keta. Uterga-Azpiroz eta Jua­ne­nea-Endikaren arteko parti­duarekin hasiko da Ligaxka gaur, eta abenduaren 8ra bitarte luzatuko da. 

Aurreneko partidu honetan bertan izango da aurreko urteko irabazleetako bat: Uterga. Etxeberria IIIarekin jokatu zuen, iaz.
Gaurko jardunaldiko biga­rren parti­duan hasiko da Li­gax­ka; arratsaldeko 16:00etan hasiko da saioa, Galarretan.

Sei bikote, lehian
Sei bikotek hasiko dute lehia, aurreneko Ligaxkan: Ansa II eta Barrenetxea IV herna­nia­rra; Urriza eta Larrañaga; Ma­txin III eta Ion; Uterga eta Az­piroz; Ezkurra II eta Etxe­berria III eta Juanenea eta Endika.

Gaurtik hasi eta hilabetez, Ligaxka jokatuko dute, denak denen aurka. 

Ostegunetan eta larun­ba­te­tan jokatuko dira norgehia­gokak, eta aurkez­penean azal­du zu­tenez, aurreko urtee­tako puntua­zio-sistema be­ra erabi­liko dute aurten ere: irabaz­lea­­rentzat (40 puntu), 4 pun­tu; 36-39 tanto bitartean egi­ten dituena­rentzat, 2 pun­tu; 32-35 tanto bitartean, pun­tu bat; eta 32 tanto azpitik egi­nez gero, ez dute punturik ge­hituko.

Horren arabera puntuazio al­tuena lortzen duten lau bi­koteak pasako dira fina­ler­dietara. 

Abenduaren 15ean eta 22an izango dira finalerdiko bi partiduak; ondoren, abenduaren 29an jokatuko dute finala, bi bikote onenek.

Abenduaren 29an, finala
Abenduaren 15ean eta 2an jo­katuko dituzte finaler­die­tako bi partiduak. Aurreneko zi­tan, Ligaxka au­rre­neko pos­tu­an bu­­­ka­tzen duen bikoteak lau­garrenaren aurka lehia­tuko da; biga­rre­nak, aldiz, hiru­ga­rrena izan­go du aurrez aurre, bigarren finalerdian. Bi par­tiduak irabazten dituen biko­tea pasako da finalera, ba­koitzak partidu bana ira­baz­ten badu, tanto gehi­en egiten duena pasako da eta berdinke­tak jarraituz gero, biga­rren finalerdiaren irabaz­lea izango da finalera pasako dena. 

Horren ondoren, finalean izango dira bi bikote onenak, abenduaren 29an, larunbatez, beren indarrak neurtzeko. Orduan erabakiko da, hain zuzen, bietako nork jan­­tziko duen Binakako Txapelketaren 48garren edizioko txapela. 

Bakarkako sariak, ere bai
Urtero bezala, bakarkako sa­riak ere izango dira aurten. Bi sari banatuko dituzte, buka­e­ran, txapelketako aurrelari eta atzelari onenei. Horrez gain,  fina­leko pelotari onenari ere sa­ria emango zaio, beste behin ere. 

48. ERREMONTEKO BINAKAKO TXAPELKETA

 Sei bikote:
Ansa II eta Barrenetxea IV herna­nia­rra; Urriza eta Larrañaga; Ma­txin III eta Ion; Uterga eta Az­piroz; Ezkurra II eta Etxe­berria III eta Juanenea eta Endika.

 Egutegia:
- Ligaxka: gaurtik, azaroaren 8tik, abenduaren 8ra bitarte. Partiduak ostegun eta larunbatetan izango dira.
- Finalerdiak: abenduaren 15 eta 22an. Ligaxkako 1.a Vs. 4a eta 2.a Vs. 3.a. 
- Finala: abenduaren 29an, partiduen irabazleen artean. 

 Sariak:
- Bikote irabazleari.
- Bakarkako sariak: aurrelari onena, atzelari onena eta finaleko jokalaririk onena.