25 urte bete ditu Dobera Euskara Elkarteak aurten; 1993an sortu zuen euskaltzale talde batek, euskeraren normalizazioaren alde borroka egiteko. Nahiz eta testuingurua aldatu den, helburu berarekin dihardu, gaur egun ere.
Elkartearen zilarrezko ezteiak ospatzeko, festa eguna iragarri dute hilaren 24rako. Egun osoko egitaraua izango da; 13:00etan izango da momentu hunkigarriena, Dobera Euskara Elkarteko omenaldiarena.
Kantu bazkaria, gero
Omenaldiaren aurretik, goizeko 11:00etan hasita, umeen–tzat jolasak izango dira, Doberako begiraleen eskutik.
Ondoren, eguerdiko 14:00etan, bazkaria izango da, Xalaparta elkartean, Imanol Kamiok eta Aitor Atxegak gidatuta.
Bi menu izango dira. Bata, helduena (25 euro; bazkideek, 20): mokadutxoa, babarrunak bere sakramentuekin, ogia eta edaria, postrea, kafea eta kopa. Bestea, haurrentzat (10 euro): makarroiak, solomoa patatekin, ogia, edaria eta helatua.
Txartelak gaurtik daude salgai Dobera Euskara Elkartean bertan: bulegoan (Larramendi, 11 behea), 943 33 27 99 telefonoan eta dobera@dobera.eus emailean.
EGITARAUA
11:00etan, Umeentzat jolasak, Doberako begiraleen eskutik eta Latxeko Burruntzirekin batera. Eguraldi onarekin Tilosetan; bestela, Atsegindegin.
13:00etan, Dobera Euskara Elkartea sortu zutenei omenalditxoa. Eguraldi onarekin Tilosetan; bestela, Atsegindegin.
14:00etan, Kantu-kantari mahaiaren bueltan; Imanol Kamio eta Aitor Atxega musikarien laguntzarekin. Gonbidatu bereziak ere izango dira, tartean. Xalaparta Elkartean izango da. Txartelak salgai hilaren 16ra arte. Prezioa: helduek, 25 euro (bazkideek, 20 euro); haurrek, aldiz, 10 euro.
*Txartelak salgai hilaren 16ra arte.