Gaur egun, mundu globalizatu batean bizi garenez eta gizarte globalagora hurbiltzen garen einean, hizkuntzak jakitea gero eta garrantzitsuagoa da. Herrialde eta kultura desberdineko pertsonak harremanetan daude eta atzerrira joateko beharra badago, herrialde horretako hizkuntza ikasi behar da. Lan munduan, atzerrian ikasketak bideratzeko garaian, aisialdia atzerrian oraindik ere gehiago gozatzeko... esan daiteke gaur egun hizkuntzak ezinbestekoak direla.
Aditu askoren esanetan zenbat eta hizkuntza gehiago hitz egin, orduan eta gimnasia haundiagoa eragiten zaio burmuinari, eta, horrenbestean, adimena bizkortu egiten omen da. Ikerketek esaten dute elebitasunaren abantailak ez direla hizkuntzetara mugatzen eta gure bizitzaren beste alderdi batzuetan ere eragiten dutela.
Sormena sendotzen du
Arazo bati beti era berean egiten bazaio aurre, agian ez da konponduko. Buruan badago ‘alboko pentsamendua’ izeneko pentsatzeko modu bat, sormenarekin zerikusia duena. Ikerketek diotenez, pentsamendu hori hobeto landuta omen dute elebidunek eta pentsatzeko era horrek arazoen aurrean irtenbide desberdinak sortzen lagunduko die.
Arretari hobeto eusten laguntzen du
Buruak garrantzitsuak diren kontuetan jartzen du arreta, huskeriak bazter utzita. Ekintza hau hobeto lortzen omen du elebidunaren garunak. Eta garunak garrantzizko zerbaitetik garrantzizko beste zerbaitetara egin behar izaten du jauzi. Honetan ere hobea omen da elebidunaren burmuina.
Dementziari aurre egiten dio
Burmuinaren ehunak zahartu egiten dira. Zahartze hori motelagoa omen dute elebidunek. Eta beranduago hasten omen dira hondatzen ehunak. Hizkuntza berri bat ikasteak neuronen arteko konexio gehiago sortzen omen ditu buruan. Bestela lotan egongo liratekeen konexioak aktibatzen dira beste hizkuntza bat ikastean.
Lan berri eta ezezagunen aurrean hobeto moldatzen laguntzen du
Lehendik sekula egin gabeko lan batean arrazoia erabiliz aritu behar denean, arrazoiketa hori erabiltzen, eta soluzio-bide berriak bilatzen, hobeto moldatzen omen dira buru elebidunak. Buru elebidunak oraindik automatizatu gabeko ekintzak kudeatzen hobeto omen daki. Adibidez, gutxitan ikusitako eragiketa matematikoen emaitza lortzen.
Ingelesa, hizkuntza globalena
Atzerriko hizkuntzetan azken hamarkadetan gailendu da ingelesa. Munduan gehien hitz egiten den hirugarren hizkuntza da, baina gehien ikasten dena. Bost kontinenteetan hitz egiten da. Negozioetan gehien erabiltzen dena da eta horretaz aparte, sarean zerbait bilatzeko orduan ingelesez aurkitzeko aukera handiak daude, informazio iturri zabala eskaintzen du.
Horretaz aparte aisialdiko hainbat egitasmo, ekintza, ekitaldi... ingelesez eskaintzen dira eta baliagarria da oso ezagutzea. Horri esker ireki dira handik eta hemendik ingeles akademiak, adin guztientzat.
Ohikoa da txikitatik hainbat hizkuntz ikastea, baina posible da heldua zarenean ere ikastea. Baina, ez bakarrik eskola, institutu edo unibertsitatean, milaka eskaintza daude ordu libreetan ikasteko. Eta adin guztientzako. Hernanira iritsi berri da Kids&Us ingeles akademia. Urte 1etik aurrerako umeentzako dago zuzendua. eta ama hizkuntza jasotzen dugun bezalako prozesua naturalean dago oinarrituta.
Astigarragan bertan, London School of Languages ingeles akademia dago eta atzo bertan, Cambridge ziurtagiria eman zizkien Urnietako 38 ikasleri. Ikasleen %95ek Cambridge azterketak gainditzen dituzte.