Odola opari behin eta berriro, 27 hernaniarrek

rtero bezala, odola opari emateagatik eskerrak ema­te­ko bazkaria antolatu zuen lehengo igandean Gipuzkoako Odol Emaileen Elkarteak.

Urnietan bildu ziren Oria Beheko ordezkaritzari dagoz­ki­on emaileak, eta bazkalau­rre­tik diplomak eman zitzaiz­kien; tartean, 27 hernaniarri.

Eskerrak, 25 edota 100 aldiz odola emateagatik
Odol-emaile guztiak zeuden bazkaritara gonbidatuta, eta bertaratu zirenei bertan eman zitzaizkien diplomak. Gainon­tze­koenak gorde egin zituzten, aurrerago emateko.
Horien denen artean, 12 her­naniar elkartu ziren, baina denera, 27 eskertu zituzten.

Odola gutxienez 25 aldiz eman dutenen artean, diplo­mak izan ziren Pedro Aira, Eva­risto Garcia, Olatz Gon­zalez, Javier Gonzalez, Jose Luis Medrano, Mari Carmen Mu­gi­ca, Matilde Pozo, Juan Antonio Torres, Jesus Mari Ubarretxena eta Milagros Zubirirentzat.

40 aldiz eman dutenen ar­tean daude: Silvia Amigo, Edurne Arzak, Eloisa Fernan­dez, Maria Teresa Holgado, Ma­ria Pilar Imaz, Begoña Ira­di, Rosa Maria Martinez, Mi­ra­ri Otxandorena eta Ione Ugal­de. 50 aldiz eman du­te­nen artean: Juan Luis Gastesi, Juan Antonio Iraola eta J.Martin Zabala, eta 60 aldiz eman dutenen artean, Lorea Anabi­tarte eta Mercedes Mutu­berria.

75 alditan baino gehiago­tan, berriz, Jose Miguel Arra­ras eta Patxi Artolak eman dute odola, eta 100 aldiz, Iñaki Mirandak.

Asteartean, hurrengo zita
Ospakizunak ospakizun, la­nean segitzen dute odol-emai­leek, eta asteartean, hileko aurreneko asteartero bezala,  berriro ere aukera izango da anbulatorioan odola emateko, 18:30etatik 20:30etara. Au­rre­tik joanez gero, txanda hartu ahal izango da.